هل طيبة القلب هي ضعف في الشخصية

هل طيبة القلب هي ضعف في الشخصية

في الماضي كانت الطيبة .. ميزه .. يتميز بها الإنسان و لكن ما أراه اليوم فهي نقطه سيئة لو أصبح الإنسان يمتلكها .. هذا الواقع ..؟؟؟

طيبـــة القلـــب :

صفة محمودة في الإنسان بل ومرغوبة

والإنسان طيب القلب محبوب من الجميع



القضية :

أصبح الإنسان طيب القلب في زمننا هذا شخص ضعيف وخبل على حد قولهم

وأصبحت الطيبة توصف بالضعف والتخلف لماذا ؟؟؟

لأنه يتصف بالسماحة والشفافية ..

وأصبح الناس يستغلون للأسف طيبة قلب الشخص لقضاء مصالحهم ولتجاوز النظام !!!



((((محاور النقـــاش)))



* هل للطيبة حدود ؟؟؟؟

* مار أيك بطيب القلب وبماذا تصفه هل تصفه بالضعف والتخلف أم تصفه بالسماحة والشفافية ؟؟؟

* كيف نتعامل مع طيب القلب ؟؟؟

* هل أصبحت الطيبة عيب ؟؟؟

* هل أصبحت طيبة القلب ==ضعف الشخصية؟؟؟

* كيف يمكن لطيب القلب أن يتعامل مع من حوله حتى لا يصفونه بالضعف ؟؟؟؟

* متى تكون طيب القلب ومتى تكون شرس الطبائع ؟؟؟؟

الفكرة أعجبتني وأحببت أن أنقلها لنتناقش بها

منقوووووووووووووووول

الصراحة موضوع كثير مهم و بمس كثير ناس و رح كون متفيد شوي بمحاور النقاس لانو فعلا رح تعطي لب الموضوع :
اني يمكن بطبيعة عملي تعاملت مع كثير اجناس و كثير شخصيات و فعلا التقيت بناس طيبة القلب عندها لا تقاس بس المشكلة و يمكن بهيك زمن طيبة القلب صارت ( بالنسبة للمجتمع ) ضعف شخصية لانو صار شخص من الطبيعي والسهل استغلاله لانو بيفكر بالامور حسب طبيعتو و ما بفكر بالمقابل و هالشي مش عيب بس صدقيني نقطة ضعف لانو نحنا صرنا بزمن بتحكمو قوانين الغابة مش قوانين الانسانية ........
و على كل حال هذا راي الشخصي و تقبلوا مروري ........

عاشق السويداء
شكرا لمرورك
أجل طيبة القلب صفة رائعة لكنها وربما لكثير من الأسباب تحولت الى ضعف في الشخصية
وخصوصا في هذا الزمن
لكن تبقى من الصفات المهمة فينا كبشر
تقبل تحياتي

اني يمكن بطبيعة عملي تعاملت مع كثير اجناس و كثير شخصيات و فعلا التقيت بناس طيبة القلب عندها لا تقاس بس المشكلة و يمكن بهيك زمن طيبة القلب صارت ( بالنسبة للمجتمع ) ضعف شخصية لانو صار شخص من الطبيعي والسهل استغلاله لانو بيفكر بالامور حسب طبيعتو و ما بفكر بالمقابل و هالشي مش عيب بس صدقيني نقطة ضعف لانو نحنا صرنا بزمن بتحكمو قوانين الغابة مش قوانين الانسانية ........
و على كل حال هذا راي الشخصي و تقبلوا مروري ........
diyaa
أجل صدقت بكل حرف كتبته
والمشكلة في ناس أو البعض من ناس هذا الزمن
ولكن كما قلت سابقا
لكن تبقى طيبة القلب من الصفات المهمة فينا كبشر

لأنها دليل انسانيتنا
شكرا لمرورك
وتقبل تحياتي

طيبة القلب مشكلي كبيري بالوقت الحالي لانو في كتير ناس مستغلين وبيفهمو أنو الي الأنسان طيب القلب المعاملي معو تحصيل حاصل لانو رح يرضا ان عملو بسوء أو معاملي منيحة لهيك رح يلاقي مشاكل كتير وهي من تجربي شخصية

بس المشكلي في حال كان قالبك طيب مستحيل تعرف المنيح من المو منيححححححححححح صدقاً لأنك ما رح تحط السوء أبدا هي أولاً ثانياً طيب القلب بحب كل الناس وما وممكن يتوقع انو في شر عند الناس لحتى ينصدم وشكرا لالكون كتير

انا بشكركم على نقاشاتكم الحلوة و بحب اعطي رأيي بهالموضوع:
يمكن تغيرت نظرة الناس ل يللي قلبن طيب لان بالاساس صار وجودهن نادر بهالدنيا واصلا صار الانسان يللي قلبو طيب بيتعرض لكتيير مشاكل و لكتيير صدمات بحياتو لانو تعامل بأصلو الطيب بس مو كل الناس بتقدر و انا ما بدي كون متشائمة بس انشالله الدنيا بعدا بخير و اكيد في ناس صاقة و بتقدر الفرق بين طيب القلب و الضعيف .
و عفكرة طيبة القلب ما بتعني ابدا يتنازل الانسان عن حقو او يسمح لغيرو انو يستغل هالطيبة فيه يكون قلبو طيب بس عقلولازم يضل صاحي عطول.خصوصا مع الناس يللي ما كتير بيعرفهن.
وما حدا بيقدر هالصفة الا يللي بتكون موجودة عندو..فاقد الشيء لا يعطيه..
بتمنى كلامي يكون خفيف عليكن

مرحبا
برايي طيبة القلب منا ابدا ضعف شخصية بالعكس هيي اكتر صفة حلوي بيحملا البعض
من الناس وبزمنا هاد نادر ما تلاقي انسان عندو طيبة قلب
هيي صفة كتييير حلوي وقلال العقل الي بيستغلو هاد الشي
ولازم طيب القلب يكون حذر ويشغل عقلو
برايي كتييير صفة حلوي
تقبلي مروري
تحياتي

صديقتي :طيبة القلب هي وجه من وجوه الشخصية الانسانية وهي الوجه الاخر لضعف الشخصية بس البشر بيفرقوا بيناتن على اساس :انو الشخص القوي المتسامح هو الطيب القلب اما الشخص الضعيف فهو ضعيف الشخصية وهذا الكلام منطقي لاننا اذا كنا ندافع عن حق لنا فنحن امام حالتين هما 1-ان نكون اقوياء في هذه الحالة اذا تنازلنا عن حقنا او جزء منه نكون طيبي القلب 2-ان نكون ضعفاء في هذه الحالة اذا تنازلنا عن حقنا او جزء منه نكون ضعيفي الشخصية

ولو همس الحنين ما بنا شكر