تخايل حالك مدرس وبهاد الموقف

أحيا ن لما بفوت عالدرس بحس حالي بعالم ثاني بوقت غير وقتنا فمثلا بصير معي ببعض الشعب انو انا وعم اشرح
ومنبحتي والطلاب نازلين مسجات لبعض وتذبيل فأنا هون بخجل وجهلون كلام أو عرفون بشي
بحب وجهلون ملاحظات تتطلع من قفا راسون لانو الحيا احينا مطلوب بس برجع وبفكر بقول انشالله عمرون ماتعلمو
شو اهلون انا وبنفس الوقت بكون احيان موقفي محرج يعني لازم اتبع اسلوب تربوي بس ما بعرف شو اعمل كرهت المهني فشو رايكون ونصيحة مهنة التدريس اصعب مهني كونا رح تجبر الانسان على التعامل مع ناس عمرو ما حب يتعامل معون وهون برجع بذكر في تصرفات طلاب حلوي وعادي كون الطالب مقرون بالشغب وفي تصرفات بعيدي الحياء العام فنصيحة انو شوي ندير بالنا عوالدنا وننصحون ونضل عإطلاع على مشاكلون ونناقشون اهم الشي

والله يا لين معك حق بس كمان بدو تطراي الجو
كلنا كنا طلاب ومنعرف بنا نشاغب مو بايدنا
بدا تروي
موضوع حلو تقبلي مروري

مشكورة لين على موضوعك ... كثير بتذكر لما كنت سنة رابعة بالكلية يعني كان عمري 23 سنة

يعني من ست سنين

كنت درس مادة الرياضيات لطلاب الصناعة بـ صلخد ( عاشر + حادي عشر + بكلوريا )

اتخيلي كان عندي 8 شعب .. مهني و نسوي

بتذكر وقتها كان في طلاب أصغر مني ب 3 سنين بس

بهيك وضع آنسة لين ... لازم يكون الإستاذ أزعر وامقطع واموصل حتى يمشي الحال من جهة

ومن جهة ثانية يقدر يضبط أزعر طلاب بالمحافظة .. عداكي عن شعب النسوي إللي عبارة

عن 30 بنت بكل شعبة بدون أي شب ..

بخصوص اتباع الأسلوب التربوي إللي حكيتي عنو ...بعتقد هوي أكبر غلط .. لإن حتى اتفيدي

الطلاب لازم بالأول تكسبي ثقتهم .. وحتى تكسبيها لازم ما اتحسسيهم إنك على مستوى عالي

وهني المستوى الأوطى ....

يمكن يكون رأيي غلط ... بس لواحد بوضعي لقيت من الضروري كون على طبيعتي

ولازم كون إستاذ مشاغب حتى يمشي الحال ... كنت علمهم إنو الإلتزام بأنظمة المدرسة التقليدية

مو مهم ...الأهم هوي النتيجة والنجاح ... يعني يكون الطالب مشاغب عادي بس يكون بالأخير

ناجح... وكنت إنطلق من حالي ... كنت خالف أنظمة المدرسة وظل على طبيعتي

لدرجة إني كنت الإستاذ الوحيد الغير ملتزم بأنظمة مدير المدرسة وبيعطي الدرس وبيشغل سيجارة وهوي عم يعطي الدرس

بس بصراحة كانت من أجمل التجارب إللي ... لإني كنت حب الطلاب ويحبوني ولحد هالوقت

لما إنزل إجازة بشوف بعضهم ... كانو أصدقائي بالمدرسة أكثر مكانو طلابي ..وضلو أصدقائي لهالأيام

آنستنا ليــــــن ... يمكن الطريقة الوحيدي حتى اتكونيلهم المدرسة المحبوبة ... هيي إنك اتكوني

صديقتهم ... ولا تلتزمي بالإتكيت إللي لازم يكون عليه المدرس ... يعني ممكن تقسي عليهم

لدرجة الضرب والمسبة .. وبنفس الوقت اتكونيلهم المدرسة الأغلى

تقبلي مروري ... مع اعتذاري على الإطالة

شكراا كثير للي ردو على موضوعي بس يمكن ما فهمتو علي الموضوع انو انا مع المشاغبي المرحة المهضومي بس ما تطلع عن الأخلاق وبهالزمن بحس حتى مشاغبة الطلاب تغيرت في شعب بحبا وبحب جو الطلاب فيها مع انون كثير مشاغبين بس في شعب ما بعرف كيف وانتو عم تقلولي انو درستو وانتو بالجامعة وعمركون 23 سنة انا درست البكالورية وانا متخرجي وكملت 22 وانا عم اعطيهون يعني الي رسبان تلاث سنين كان من عمري بس ما لقيت صعوبي ابدا كانو افضل من هي الدفعات او مهضومين اكثر كون كانو مأدبين وبريئين مو متل هالجيل وشكرا الكون اسفي على ازعاجي وبرد وبكرر انو انا ابدا مو ضد الشغب يعني عمبكون ضابط دورة ركن وبس يرجع للدراسي بيرجع يشاغب بس عمحس حالي بس فوت عشعبي وحيدي مو كل الشعب اني عزول ومو مدرسي عرفتو شو الموضوع

اخت لين هذا أمر طبيعي إنو يكون في شعبة
مميزة بالشغب عن غيرا وهذا بيتعلق بطبيعة ونوعية الطلاب بالشعبة
بأغلب الأحيان المشاغبين بجمعو حالن مع بعض بشعبة وحدة وهون المصيبة
بصير بدك أسلوب لضبط هذي الشعبة مختلف عن غير شعب
أني مثلا لما كنت بالثانوية كانت شعبتي أكثر شعبة مقطعة موصلة
ما في حدا دوخ المدير والمدرسين قدي أني والشلة يلي معي لإنو نحنا كنا وجه الشغب
ورغم هيك كان في مدرس فهمان شو يعني( طالب+ مشاغبة )
ما كان حدا غيرو يقدر يضبط الصف لما يعصب بس بنفس الوقت ما كان في أجمل من درسو
لإنو بيتعامل مع الطلاب بصداقة وأخوية .
هون المدرس لازم يعرف كل شعبة شو الأسلوب يلي بناسبها للإنظباط
وما يكون عندو اسلوب واحد ماشي عليه
كل طالب إلو تفكيرو وإلو طريقتو وأسلوبو بالمشاغبة وبالتالي إلو طريقتو بمعالجتها

أنا شخصيا رئيي
ان لازم اول شغلي يمنع منعا بتاتا الموبايل في الصف
ثانيا يجب أعادة درس الفتوي لان كان فعلا مربي الطلاب الذين بلا مربا او اخلاق
ثالثا أذا في طلاب حابي تتعلم وناسطة لدرس فحاولي تركزي عليهم
وطلاب الي ليس لديها اعتبار ومشغولة بالموبايل والمسجات أن شالله عمره ما يتعلم
خليه
يصيع ويعتل بالشوارع
طبعا بعد ما انت تكوني حاولتي معهم ل 3 مرات لان انت يا لين
منك الية او خلقتي حتى تتعبي نفسك وتفكيرك بتلك الطلاب الفاشلين اذا صح التعبير
انت عندك رسالي وعمتوصليها في طلاب راح يستفيدو منها لانهم هم يريدونها
وفي طلاب ما عندهم استعداد ليفهموها
وخاص ان اهل الطالب هم الاساس بالتربية والتوجيه
فأنت مش مجبورة تربيهم او تعذبي نفسك وتفكري
---
هلق عندك طريقة وحدي بس ومحاولي اخيرة وهي
انك تتكلمي مع الطالب بطريقة الصداقة وعلى انفراد انه لو سمحت انا شايفي فيك مستقبل رائع انتبه ؟؟؟؟؟
يعني صف حكي واقناع ان فهم كان به وان لم يفهم فستين جهنم عليه ما يتعلم ويفهم
لذلك لاتكرهي مهنتك وخلي احما ماعندهم ابرد ما عندك
هذا كل شي عندي انا شخصيا
شكرا

صديقتي رح اكتفي بكلمات بسيط الله يكون بعونك ويحمل معك