فاعل خيـــــــــر(ضروري الإطلاع)

أخواتي الأحباء
منتدانا كثير حلو ,حلو بناسو وبمواضيعو وبترتيبو.
كثير من المواضيع عبنستفيد منها سواء كانت فائدة للترفيه أو كانت فائدة علمية وثقافية.
بس منتدانا هذا صاير مثلو مثل أي منتدى من حيث مواضيعو يلي عبتكون داخلية فقط,
ماإلو أي نشاط خارجي .
خطرتلي فكرة بتضيف على المنتدى طابع كثير حلو وميزة ما سبق لمنتدى آخر إنو تميز فيها.
شو رأيكن نحول المنتدى وعبر زاوية صغيرة منو لفاعل خير
يعني خلي يكون بمثابة جمعية خيرية بتخص طائفة الموحدين
هيك أولا بنكون قدمنا مساعدة للمحتاجين وثانيا بيرتقي المنتدى لمستوى ماسبق لغيرو من المنتديات
إنو ارتقالا.
بالنسبة لآلية العمل على هيك موضوع بدي إترك الإقتراحات للإلكن خلينا بمساعدتكن وتنظيم خينا أنس
نوضع آلية عمل مناسبة تخدم هالموضوع وأهم شي ما تخدش حياء أو كرامة الأشخاص المحتاجين.
شو رأيكن كل واحد بيعرف شخص محتاج يكتب اسمو بزاوية ينظمها أنس ويشرف عليها
طبعا الاسم والعنوان وكل واحد منا بينسئل عن الأسماء القريبة منو وبقدم حسب إمكانياتو وأي مساعدة بتتقدم
بتكون مقدمة بإسم المنتدى .
هي إحدى الإقتراحات وإذا موافقين خلينا نشوف اقتراحاتكن

وانشاءالله نقدر نقدم شي لغيرنا

انشا الله خيي بوبيبرس
بس ليرجعو الاعضاء منفتح هالموضوع
ومنتعتفق في انشا اللله
مشكور خيي

بس وينك انت خي أنس
ووين هالأعضاء؟؟؟؟؟؟؟؟؟؟؟؟

الكل مشغول هالكم يوم فحص وشغل
وانا كمان مو ملحق كم يوم بس لافضى
انشا الله بنرجع نجتمع مثل اول واحسن
وانت الله يعطيك الف عافي الي داير بالك علمنتدى

واجبي ولو مابدي شكر

اخي ابو بيبرس فكرة جميلة جداً ومفيدة بنفس الوقت ونحنا معكن بكل ما يفيد مجتمعنا وبلدنا وأهل الجبل

شو ياجماعة ما في آراء حول هذه الفكرة؟؟؟!!!!!!

الاخ أبو بيبرس
الله يقدرنا على عمل الخير جميعا
لكن نحن كمغتربين كيف علينا المساعدة اذا تطلب ذالك ثانيا شوف المناسب ونحن جاهزن بعون الله
لكن يجب وضع بنود لذلك ونظام معين
ونحنا كما يقال بالجبل بالتبعية
شكرا

أخ ناظم كمغتربين بتقدرو تنسقو بين بعضكن ويلي بيجي بأقرب
إجازة بيتكفل بهالمهمة
هذا رأي وإذا في آراء أخرى خلينا نسمعها ونشوف شو ممكن نسوي
وبالنسبة للبنود والنظام هي مهمة الجميع برأيي وبالنسبة لوضع أسماءالمحتاجين بقترح
يتوكل هالأمر خينا أنس بحيث يطرح الاسم بالشكل يلي يكون غير مرئي إلا للأعضاء المساهمين والموافقين
على هذا الموضوع
والله يقدرنا نترك ضحكة بعيون كل محتاج وكل طفل محروم

فكرة كثير حلوي خي ابو بيبرس واكيد نحنا منشجع هي الفكرة ومنتمنى تصير على ارض الواقع مشكور خي ابوبيبرس ونحنا معك

هلق الفكرة كتير حلوي وانا معكن
بس بلكي اجا شي واحد ونصب علينا نحنا ما منضمن كل الي عبيفوتو لهالمنتدى من شان هيك لازم نكون كتير حذيرين